ਤਾਜਾ ਖਬਰਾਂ
ਉੱਤਰਾਖੰਡ ਦੀ ਵਿਸ਼ਵ ਪ੍ਰਸਿੱਧ 'ਚਾਰ ਧਾਮ ਯਾਤਰਾ' ਦਾ ਆਗਾਜ਼ ਹੋਣ ਜਾ ਰਿਹਾ ਹੈ। ਬਰਫ਼ ਦੀ ਮੋਟੀ ਚਾਦਰ ਵਿਚਕਾਰ ਕੇਦਾਰਨਾਥ ਧਾਮ ਦੇ ਕਪਾਟ 22 ਅਪ੍ਰੈਲ ਨੂੰ ਸ਼ਰਧਾਲੂਆਂ ਲਈ ਖੋਲ੍ਹ ਦਿੱਤੇ ਜਾਣਗੇ। ਇਸੇ ਤਰ੍ਹਾਂ ਗੰਗੋਤਰੀ ਅਤੇ ਯਮੁਨੋਤਰੀ ਧਾਮ ਦੇ ਕਪਾਟ 19 ਅਪ੍ਰੈਲ ਨੂੰ ਅਤੇ ਬਦਰੀਨਾਥ ਧਾਮ ਦੇ ਕਪਾਟ 23 ਅਪ੍ਰੈਲ ਨੂੰ ਖੁੱਲ੍ਹ ਰਹੇ ਹਨ। ਪ੍ਰਸ਼ਾਸਨ ਨੇ ਯਾਤਰਾ ਨੂੰ ਸੁਚਾਰੂ ਬਣਾਉਣ ਲਈ ਗਲੇਸ਼ੀਅਰਾਂ ਨੂੰ ਕੱਟ ਕੇ 'ਸਨੋ ਕਾਰੀਡੋਰ' (ਬਾਰਫ਼ੀਲਾ ਰਸਤਾ) ਤਿਆਰ ਕਰ ਦਿੱਤਾ ਹੈ।
ਇਸ ਵਾਰ ਸ਼ਰਧਾਲੂਆਂ ਦਾ ਉਤਸ਼ਾਹ ਦੇਖਦਿਆਂ ਲੱਗ ਰਿਹਾ ਹੈ ਕਿ ਯਾਤਰਾ ਪਿਛਲੇ ਸਾਰੇ ਰਿਕਾਰਡ ਤੋੜ ਦੇਵੇਗੀ। ਕੇਦਾਰਨਾਥ ਜਾਣ ਵਾਲੇ ਹੈਲੀਕਾਪਟਰਾਂ ਦੀ ਬੁਕਿੰਗ 15 ਜੂਨ ਤੱਕ ਅਜੇ ਤੋਂ ਹੀ ਫੁੱਲ ਹੋ ਚੁੱਕੀ ਹੈ। ਹੁਣ ਤੱਕ ਲਗਭਗ 5.96 ਲੱਖ ਸ਼ਰਧਾਲੂ ਰਜਿਸਟ੍ਰੇਸ਼ਨ ਕਰਵਾ ਚੁੱਕੇ ਹਨ, ਜਦਕਿ ਪਿਛਲੇ ਸਾਲ ਕੁੱਲ 17.68 ਲੱਖ ਸ਼ਰਧਾਲੂਆਂ ਨੇ ਦਰਸ਼ਨ ਕੀਤੇ ਸਨ।
ਦੁਰਗਮ ਪਹਾੜੀ ਰਸਤਿਆਂ 'ਤੇ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਲਈ 'ਮਾਊਂਟੇਨ ਮੈਨ' ਵਜੋਂ ਜਾਣੇ ਜਾਂਦੇ ਡਾ. ਪ੍ਰਦੀਪ ਭਾਰਦਵਾਜ ਅਤੇ ਉਨ੍ਹਾਂ ਦੀ 'ਸਿਕਸ ਸਿਗਮਾ ਹੈਲਥਕੇਅਰ' ਟੀਮ ਤਾਇਨਾਤ ਰਹੇਗੀ।
ਗਿਨੀਜ਼ ਵਰਲਡ ਰਿਕਾਰਡ: ਡਾ. ਭਾਰਦਵਾਜ ਨੇ ਹਾਲ ਹੀ ਵਿੱਚ 'ਏਆਈ ਇਨ ਹੈਲਥਕੇਅਰ' ਸਬੰਧੀ ਲਾਈਵ ਸਟ੍ਰੀਮਿੰਗ ਰਾਹੀਂ ਸਭ ਤੋਂ ਵੱਧ ਦੇਖੇ ਜਾਣ ਵਾਲੇ ਸਬਕ ਲਈ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਨਾਮ ਦਰਜ ਕਰਵਾਇਆ ਹੈ।
ਉਹ ਇਸ ਤੋਂ ਪਹਿਲਾਂ ਲਿਮਕਾ ਬੁੱਕ ਅਤੇ ਇੰਡੀਆ ਬੁੱਕ ਵਿੱਚ 'ਪਰਸਨ ਆਫ ਦ ਈਅਰ' ਵੀ ਰਹਿ ਚੁੱਕੇ ਹਨ।
ਉਨ੍ਹਾਂ ਦੀ ਟੀਮ ਕੇਦਾਰਨਾਥ ਤੋਂ ਇਲਾਵਾ ਬਦਰੀਨਾਥ, ਅਮਰਨਾਥ ਅਤੇ ਕੈਲਾਸ਼ ਮਾਨਸਰੋਵਰ ਵਰਗੇ ਉੱਚਾਈ ਵਾਲੇ ਖੇਤਰਾਂ ਵਿੱਚ ਐਮਰਜੈਂਸੀ ਮੈਡੀਕਲ ਸੇਵਾਵਾਂ ਲਈ ਜਾਣੀ ਜਾਂਦੀ ਹੈ।
ਇਸ ਵਾਰ ਸਭ ਤੋਂ ਵੱਡੀ ਚੁਣੌਤੀ ਰਿਕਾਰਡ ਤੋੜ ਬਰਫ਼ਬਾਰੀ ਹੈ। ਆਮ ਤੌਰ 'ਤੇ ਅਪ੍ਰੈਲ ਤੱਕ ਬਰਫ਼ ਪਿਘਲ ਜਾਂਦੀ ਹੈ, ਪਰ ਇਸ ਸਾਲ ਅਪ੍ਰੈਲ ਅੱਧ ਤੱਕ ਬਰਫ਼ ਦੀਆਂ ਮੋਟੀਆਂ ਪਰਤਾਂ ਜੰਮੀਆਂ ਹੋਈਆਂ ਹਨ। 2023 ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਕਪਾਟ ਖੁੱਲ੍ਹਣ ਵੇਲੇ ਇੰਨੀ ਜ਼ਿਆਦਾ ਬਰਫ਼ ਦੇਖੀ ਜਾ ਰਹੀ ਹੈ। ਹਾਲਾਂਕਿ, ਪ੍ਰਸ਼ਾਸਨ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਸ਼ਰਧਾਲੂਆਂ ਦੀ ਗਿਣਤੀ 'ਤੇ ਕੋਈ ਸੀਮਾ ਨਹੀਂ ਲਗਾਈ ਜਾਵੇਗੀ ਅਤੇ ਸਾਰੇ ਭਗਤ ਦਰਸ਼ਨ ਕਰ ਸਕਣਗੇ।
Get all latest content delivered to your email a few times a month.
